новомученики воронежские
Гимнография:
Даты:
Святые:
Тропарь:
Тропарь, глас 3:
Церкве Русския столпе непоколебимии, / благочестия правило, / жития евангельскаго образы, / Священномученцы Константине, Николае, Александре, Георгие, Иоанне, Сергие, Феодоре, Алексие, прмцы. Тихоне, Георгие, Косме и мчцы. Евфимие и Петре, / Христа ради пострадавыи даже до крове, / Его же молите усердно, / яко Начальника и Совершителя спасения, / Русь Святую утвердити в Православии / до скончания века.
Кондак:
Кондак, глас 2:
Восхвалим, вернии, / изрядных во священницех Константина, Николая, Александра, Георгия, Иоанна, Сергия, Феодора, Алексия / и славных в мученицах Тихона, Георгия, Косму, Евфимия и Петра, / Православия поборников и благочестия ревнителей, / земли Русския красное прозябение, / иже страданием Небес достигше / тамо тепле молите Христа Бога / спастися душам нашим.
Молитва:
Молитва
О избранниче и угодниче Христов, священномученицы Константине, Николае, Александре, Георгие, Иоанне, Сергие, Феодоре, Алексие, прмцы. Тихоне, Георгие, Косме и мчцы. Евфимие и Петре, Церкве Русския столпы непоколебимии, земли нашея благое прозябение и красный плод, сродников ваших предстателие и наставницы! Вы во время гонения безбожнаго от сокровищницы души Вашея спасительное исповедание Православныя веры изнесли есте, и людем верным мученицы добрии явились есте, душу вашу за Христа и Его овцы полагая и лютыя волки далече отгоняя. Ныне убо призрите на нас, недостойных чад ваших, умиленною душею и сокрушенным сердцем вас призывающих. Умолите Господа Бога, да простит согрешения наша и избавит от адовых уз и вечнаго мучения. Утвердите нас в вере святой, научите нас всегда творити волю Божию и хранити заповеди церковныя. Будите пастырями нашими - правило веры, воином - вожди духовные, болящим - врачи изряднии, печальным - утешителие, гонимым - заступницы, юным - наставницы, всем же благосердии отцы и теплые молитвенницы, яко да молитвами вашими соблюдется в Православии Святая Русь и непрестанно славится в ней имя Пресвятыя Троицы, Отца и Сына и Святаго Духа во веки веков. Аминь.
