Гимнография святых блаженных жен Дивеевских Пелагии (Серебренниковой; 1884), Параскевы (1915) и Марии (Фединой; 1931)
Гимнография:
Даты:
Тропарь:
Тропарь, глас 1:
Глас апостола Твоего Павла услышавша глаголющ: / мы юроди Христа ради, / рабы Твои, Христе Боже, / Пелагия, Параскева и Мария юроды быша на земли Тебе ради: / темже память их почитающе, Тебе молим: // Господи, спаси души наша.
Кондак:
Кондак, глас 8:
Вышния красоты возжелевша, / нижния сласти телесныя тощно оставили есте, / нестяжанием суетнаго мира, ангельское житие проходяще, скончавшася, / Пелагие, Параскево и Марие блаженныя: // Христа Бога молите непрестанно о всех нас
Молитва:
Молитва
О прекраснии невесты Христовы, чистые голубицы, позлащенные Духом Святым, собеседницы Ангелом, на земли мысленный рай своими добродетельми насадившия, преподобныя матери наша Пелагие, Параскево и Марие. Что достойное в дар вам принесем, кроме смиренных и грешных молений наших, яже приимше, очистите я святыми вашими молитвами и принесите ко Престолу Пресвятыя Троицы. Молите Бога о нас, о блаженные матери наша, да не яростию Своею обличит нас Господь, ниже гневом Своим накажет нас за премногия грехи наша, но милостию Своею да оградит нас и дарует нам время на покаяние и исправление. О матери наша Пелагие, Параскево и Марие! Всех собравшихся во святей обители сей осените своим заступлением и испросите у Царя Сил коемуждо благопотребная во временной жизни сей, пече же помозите нам Небесного Царствия достигнути вашими теплыми молитвами и ходатайством вашим ко Господу нашему Иисусу Христу. Емуже подобает всякая слава, честь и поклонение со Отцем и Святым Духом, ныне и присно и во веки веков. Аминь.
