Гимнография сщмчч. Феодора (Смирнова) и Гавриила (Архангельского)
гл. 8
Приидите, празднолюбцы/ и мучеников рачителие,/ память почтим страдальцев новых,/ во храме праведнаго Лазаря/ Господу служивших,/ и к ним прилежно возопиим:/ о Феодоре смиренный/ и ангелонравный Гаврииле,/ за любовь к служению церковному/ мученическия венцы приимшии,/ ныне дерзновение пред Господем имущии,/ испросите нам усердия молитвеннаго,// велией милости// и спасения душ наших.
Кондак, гл. 3
Священномученицы Феодоре и Гаврииле,/ в сане диаконстем/ Господеви ревностне служили есте,/ и во мрачнем узилищи/ к деланием тяжким принуждаемии,/ служения святаго не оставили есте,/ и за сие звероподобными мучители/ убиени бысте,/ молитеся Подвигоположнику Христу,/ да наша маловерная сердца/ непрестанною молитвою согреются\ и души наша в мире спасутся
