Двунадесятый праздник
ПРЕОБРАЖЕНИЕ ГОСПОДА И СПАСА НАШЕГО ИИСУСА ХРИСТА
Евангелие от Луки, зачало 45
Во время оно, поем Иисус Петра, и Иоанна, и Иакова, взыде на гору помолитися. И бысть, егда моляшеся, видение лица Его ино, и одеяние Его бело блистаяся. И се мужа два с Ним глаголюща, яже беста Моисей и Илия, явльшася во славе: глаголаста же исход Его, иже хотяше скончати во Иерусалиме. Петр же, и сущии с ним, бяху отягчени сном: убуждшеся же видеша славу Его, и оба мужа стояща с Ним. И бысть, егда разлучистася от Него, рече Петр ко Иисусу: Наставниче, добро есть нам зде быти, и сотворим сени три, едину Тебе, и едину Моисеови, и едину Илии: не ведый, еже глаголаше. Се же ему глаголющу, бысть облак, и осени их: убояшася же, вшедшим им во облак. И глас бысть из облака, глаголя: Сей есть Сын Мой Возлюбленный, Того послушайте. И егда бысть глас, обретеся Иисус един, и тии умолчаша, и никомуже возвестиша в тыя дни ничесоже от тех, яже видеша.
Проповеди
- Святитель Тихон Задонский. Чему учит нас Преображение Господне.
- Праведный Алексий Мечев. Слово на день Преображения.
- Архиепископ Лука (Войно-Ясенецкий). Слово в день Преображения Господня о свете духовном.
- Игумен Никон (Воробьев). Перевоплощающиеся "христиане".
