Гимнография свщмч. Николая Орлова
Тропарь, глас 4:
Божественною любовию озаряемый/ и Духом Святым просвещаемый,/ смиренный делателю нивы Христовой,/ доброчестная ветве трехвековаго священнаго древа,/ Небесное Отечество паче земнаго возлюбивший,/ в лютое богоборческое время верность Богу явивший/ и за Церковь Его святую мученически кровь свою проливший,/ темже молим тя, священномучениче Николае,/ вкупе со святым Патриархом Тихоном/ и с Новомученицы ярославскими,/ моли Христа Бога спастися душам нашим.
Кондак:
Древнейшаго рода священнослужителей достойный преемниче,/ Тайн Божиих богомудрый строителю,/ святому Патриарху Тихону смирением поревновавый/ и священномученику Вениамину твердостию подражавый,/ с ними же Христу даже до смерти сострадал еси,/ священномучениче Николае,/ похвало земли Ярославския, тя бо имамы крепкаго молитвенника/ и теплейшаго ко Господу предстателя.
