Гимнография сщмч. Горазда, еп. Богемского (1942) (Серб.)
Гимнография:
Даты:
Тропарь:
Тропарь, глас 4
Возбранный воеводо православных и Моравской церкви учителю, богомудрый пастырей первоначальниче, святый отче наш Горазде, моли Христа Бога спастися душам нашим
Кондак:
Кондак
Отразивши еретичествующих полки, устоял если в правде, яко крепкий адамант, твоему же родному народу указал еси путь спасения - Православие. Благочестно поживши, учителю Евангелия, архипастырю и пастырю, принял еси мученический венец от Христа Спасителя. Мучениче, святителю, отче наш Горазде, моли о всех нас в Царствии Божием.
Молитва:
Молитва
О, священная главо, предивный архипастырю и Христов мучениче, отче Горазде, к тебе прибегаем, грешнии, и просим тя, яко отца, чада своя любящаго: насади в сердца наша любовь к Богу и людем, какую ты явил еси, положивши живот твой за други твоя. Научи нас тебе следовати, Бога и ближних любити, заповеди Божиим творити, во еже нам истинно чадами Божиими быти. Призри милостиво на всякую душу христианскую, милости и помощи Божией требующую. Буди немощей наших врач, в печалех утешитель, от всех бед и нужд свободитель, да твоими святыми молитвами сподобимся и мы, грешнии, спасение вечное улучити и Царствие Небесное наследовати. Святый отче Горазде, верный слуго Христов и мучениче, не отвращай лица твоего от прошений и упований наших, помози нам милостиво и днесь и защити нас, да и мы прославим и благословим человеколюбие Божие, дивно чрез святых Его деемое, Отца и Сына и Святаго Духа, ныне и присно и во веки веков. Аминь.
