Гимнография сщмч. Николая Богословского
Гимнография:
Даты:
Святые:
Тропарь:
Тропарь гл. 4
Земли Карельстей новое украшение, / добрый пастырю словесных овец, / подвигом страдания за Веру просиявый, / велие дерзновение пред Богом стяжал еси. / Отче священномучениче Николае, // моли Христа Бога спастися душам нашим.
Кондак:
Кондак гл. 3
В годину лютую к пастырству призванный, / в церкви святыя Екатерины подвизался еси, / множество душ к покаянию и спасению приведый, / клевету богоборческую отринул еси. / За Христа пострадав даже до крове, / Священномучениче Николае, // ныне усердно молися о всех нас.
Молитва:
МОЛИТВА
О святый угодниче Божий, священномучениче Николае! Подвигом страдания за Христа в земле Карельстей просиявый, образ смирения и терпения в мученичестве своем нам явивый и клеветников своих посрамивый. Отврати от нас праведный гнев Божий, и да сподобимся молитвами твоими храмы Божий созидати и самем нам храмами Духа Святаго соделоватися. Да укрепит Господь молитвами твоими Веру нашу и избавит страну Карельскую от ересей и расколов. О, святый угодниче Божий, священномучениче Николае, моли о нас Всемилостиваго Бога и Господа нашего Иисуса Христа и его Пречистую Матерь спасение душевное получити и блаженство нескончаемое в вечном царствии Христовом наследовати. Емуже подобает всякая слава со безначальным Его Отцем и с Пресвятым Духом во веки веков. Аминь
