Гимнография преп. Алексия (Соловьёва) иеросхимонаха, затворника Зосимовского (1928)

Гимнография: 
[Служба]  [Великое бдение]  [Бдение]  [Полиелей]  [Славословие]  [«на 6»]  [«на 4»]  [Тропарь]  [Кондак]  [Молитва]  [Канон]  [Акафист]
Даты: 
Иконы: 
Тропарь: 

 

Тропарь, глас 5.
 
 
Яко звезда путеводная, утешитель Российский явился еси в годину лютых испытаний, затворниче предивный, огнем бо веры распаляем, Божественныя Любве достигл еси, восприяв от благодати Духа Святаго стадо православное. Просиявший Духом Пребожественным, избирая Патриарха Российскаго, Святителя великаго, преподобне отче Алексие, моли Пресвятую Троицу за Землю Русскую и спасение душ наших.
 
Кондак: 

 

Кондак, глас 3:
 
Благочестиваго корене жезл святый, от юности живот свой на служение Богу предал еси, в пустынь же Зосимову вселився, Любовию Христовою уязвленный, стяжал сию добродетель яко вышшую вечную, и верным благодати источник неоскудный показался еси, милости всем изливая и немощныя врачуя. Преподобне старче Алексие, моли всещедраго Бога даровати нам мир и велию милость.
 
Молитва: 

 

Молитва
 
О, преподобне отче Алексие, предивный угодниче Божий, чудотворче и преславный подражателю Христов, Любовию Божественною озаренный, стяжавший многие добродетели! Утешителю быв Всероссийский, духовный наставниче явился еси. Ты бо во времена лютых испытаний Святую Веру в людях укрепляя, немощных с одра восставлял еси, колеблющихся в жизни поддерживал еси, являясь всем чудным помощником и молитвенником Христовым. Ныне смиренно молим тя, отче святый, слабыя подыми, страждущих больных скоро уврачуй, всех притекающих к честней раце мощей твоих не остави в молитвах, подаждь нам Небесную помощь и многое исцеление в болезнех наших, милостив буди и не презри нас, грешных, прибегающих к пастырскому предстательству твоему.
О, преподобне отче Алексие! Моли Пресвятую Троицу, да упразднит раздоры и нестроения, ныне сущия на земли, да подаст людем своим вразумление и полное покаяние, и Отечеству нашему добрый мир и велию милость. Аминь.